تفاصيل اخطر مكالمة مع زعيم حركة تمرد

تفاصيل المكالمه
بقلم : الشاعر محمد رجب
الحوار الاتي حصل بيني وبين ( أ . ج )
بالظبط الساعه 45 : 1 ليلا
وهو مسؤل حركة تمرد بوادي النطرون
التي تجمع توكيلات لسحب الثقه من الرئيس مرسي
والرقم عندي والتسجيل موجود
.
.
أنا : السلام عليكم
هو الو ايوه مين معايا
انا محمد مع حضرتك
مش حضرتك المسؤل عن حركة تمرد في وادي النطرون
هو : ايوه يا فندم بالظبط
انا : طب انا عايز اشترك معاكم
هو : احنا تحت امرك خد الاستماره من ع الصفحه
ونزلها وصورها ووزعها على اصحابك وكل اللي عايز يشترك
واول ما تجمع عدد كويس انا مستعد اجيلك في اي مكان
أنا : طب انا عاجباني الفكره بس هنعمل ايه بالتوكيلات دي
هو : طبعا انت عارف ان كل ما كنا بننزل مظاهرات كانوا بيقولوا مفيش غطاء شعبي
فالتوكيلات دي هيا الغطاء الشعبي بتاعنا
كمان بالاستمارات دي نقدر نروح للمنظمات الاجنبيه
ونقنعهم بقطع العلاقات مع مصر لانه رئيس ملوش شعبيه
ونقنعهم بالتعامل مع مجلس رئاسي منتخب
انا : اه فكرتني هو احنا نسحب الثقه من مرسي نسلمها لمين ؟؟
هو : احنا قلنا سيناريوهات
الاول اننا نسلمها لشخصيات معارضه معروفه ويبقى مجلس رئاسي
ودا هيبقى بعد جمع التوقيعات
التاني ان رئيس المحكمه الدستوريه يتولى شؤن البلاد
ولو منفعش جمع التوقيعات يبقى مقدمناش غير يوم 30 يونيه بقى وخلاص
انا : ايوه هنعمل ايه بقى يوم 30 يونيه ؟؟؟
هو : هنحاصر القصر وهنمنع دخول او خروج اي حد منه ونعين مجلس رئاسي جديد
لمدة شهرين او 3 شهور لحين عمل انتخابات رئاسيه مبكره وربنا يستر في اليوم ده
وبعد كده هنطالب بقانون بحل جماعة الاخوان ومنعها من العمل السياسي
زي ما هما عملوا مع الحزب الوطني بالظبط
انا : معذرة بس انا متعرفتش باسم حضرتك
هو : انا أحمد جمال
انا : اها تمام
هو زي ما قلتلك جمع عدد وانا مستعد اجيلك في اي مكان
.
.
هذا ما حدث والتسجيل عندي
اولا حلوه اوي حكاية المنظمات الاجنبيه دي ناس بتخاف على بلدها اوي يا جدعان
ثانيا قطع العلاقات مع مصر
عشان يطيح برئيس فيعزل مصر عن بقية الدول وب كده يتفرض عليها حصار اقتصادي
كامل واللي يدفع التمن الشعب الغلبان
ثالثا نسلمها لشخصيات معارضه معروفه